احبـــــــــك
احبك مو حجي لسان
احبك وانته تدريني
واحسك نبض بالروح
دم يجري بشرايني
اصيح عليك لاتبعد
لا تمشي وتخليني
اشن واشتعل واطفه
وترد تشعل جوانيني
شوصفلك عظم هجرك
حبيبي هواي ياذيني
ما جنك هذا الطيف
اليجعدني ويمنيني
ولا جنك هذاك انته
الجنت سلوة وتسليني
شجاك وبدلت طبعك
حبيبي وصرت تجفيني
وكمت ترتاح من احزن
كمت تطرب عله ونيني
شبدلك مني يمعود
تعال اكعد وحاجيني
وكلي شصار من عندي
ونسيت البينك وبيني
تجرعت الصبر بعدك
صبح زادي اليغذيني
تشور بالك الخبزة
وانت شارب دمع عيني
غشيم وتيهت يمك
وين الدرب دليني
وتخضب جفوفك الحنه
وانه دموعي التحنيني
وتكلي انسى هواك الراح
شلون انسه شينسيني
عساهه بحضك وبختك
عساك بضيعت سنيني